අපි කෝච්චියෙන් සිගිරිය බලන්න යමු.

ගොඩක් කාලෙකින් මුකුත් වැදගත් දෙයක් ලියන්නත් බැරි වුන නිසා මම හිතුවා ලංකාව ඇතුලේ කරන්න පුළුවන් හොද සංචාරයක් ගැන විස්තර ටිකක් ලියන්න. මොකද මමත් මේ ගමන යන්න කලින් ගොඩක් අන්තර්ජාලයෙන් විස්තර හොයන්න උත්සහ කළා නමුත් හොයා ගන්න බැරි වුනා එකයි මෙහෙම දාන්න හිතුවේ.

නම දැක්ක ගමන් කට්ටියට හිතා ගන්න පුළුවන්නේ කොහෙද මේ යන්න හදන්නේ කියලා. නමුත් මුලින්ම කියන්න ඕනේ මේ සිගිරිය කියන ගමට අපිට කොළබ ඉදන් එකදිගට යන්න බස් හෝ කොච්චි නැහැ ඒක නිසා ටිකක් විතර කට්ටක් කන්න වෙනවා සීගිරියට යන්න. එකෙනුත් අද මම කියන්න බලාපොරොත්තු වෙන්නේ කෝච්චියෙන් කොහොමද සිගිරි යන්නේ කියලා.

මුලින්ම ඔයාලා යන්න පුළුවන් දවසක් තීරණය කර ගන්න, මමනම් ගියේ දෙසැම්බර් මාසේ මුල සතියේ. නමුත් මම දන්නා විදියට ගොඩක් කට්ටිය සිගිරි යන්නේ අප්‍රේල් සිට සැප්තැම්බර් වගේ කාල වලදී තමයි මොකද ඒ දවස් වලට හොදට පායන නිසා නමුත් මමනම් හිතන්නේ සිගිරි යන්න ඕනේ වර්ෂාව තියන කාලයට මම එහෙම කියන්නේ මොකද කියලා ඔයාලට මේ නුල කියවල ඉවර වෙනකොට තේරේවි. 

සිගිරිය විතරක් බලනවානම් එක දවසින් ගිහින් එන්න පුළුවන් නමුත් දවසක් වගේ සිගිරිය අවට නවාතැනක නවතින්න පුලුවන්නම් ටිකක් විවේකිව සිගිරිය නරබන්න පුළුවන්, මොකද එක දවසින් ගිහින් එනවා කියන්නේ සිගිරි නගින හරිය වෙනකොට ගොඩක් මහන්සිය දැනෙන්න පුළුවන්. 

හරි දැන් යන දවස සහ නවාතැන් ගැන ඔයාලා තීරණය කරලා ඉවරයි. දැන් බලමු මොනවද තියන කොච්චි කියලා, සීගිරියට කෝච්චියෙන් යනකොට බහින්න ඕන දුම්රියපොළ තමයි හබරණ කියන්නේ ඉතින් කොළබ ඉදන් යන කොච්චිවලින් ඇත්තටම කොච්චි දෙකයි මේ දුම්රියපොළේ නවත්වන්නේ ඉතින් ඒ දෙකෙන් ඔයාලා තීරණය කරන්න මොන කෝච්චියේද යන්නේ කියලා. එක දවසෙන් සිගිරි ගිහින් එනවනම් අනිවාර්යයෙන්ම උදේම තියන කෝච්චියේ යන්න වෙනවා.

01.උදයදේවි කොළබ කොටුවෙන් පිටත් වීම පෙ.ව. 06:05 (සීග්‍රගාමී දුම්රියක්) හබරණට ලගාවීම පෙ.ව. 11:16
02. රාත්‍රී තැපැල් දුම්රිය කොළබ කොටුවෙන් පිටත් වීම ප.ව. 09.30 හබරණට ලගාවීම පෙ.ව 03:01

දැන් ඔයාලා කෝච්චිය තෝර ගත්තා දැන් ටිකට් ගන්න ඕනේ නේ. ඉතින් එකට හොදම දේ තමයි යන්න සතියකට දෙකකට කලින් දුම්රිය ආසන වෙන්කරවා ගන්න එක, මොකද එහෙම වුනාම අනිවාර්යයෙන්ම අපිටම වෙන්කරපු ආසනයක් තියනවා, එහෙම නැතුව හිටගෙන එහෙම යන්න වුනොත් ඒක ටිකක් කට්ටක් කන්න වෙන වැඩක්. ඔයාලට ආසන වෙන් කරවා ගන්න ඕනේ නම් කොටුව දුම්රිය ස්ථානයේ කවුළු අංක 17 ට යන්න එතනින් තමයි ඕනෑම කෝච්චියකට ආසන වෙන් කරන්නේ. දෙවන පංතියේ ආසනයක් වෙන්කිරීම සදහා ගාස්තුව රුපියල් 600.00. ඔයාලට කොච්චි වොරන්ට් (Railway Warrants) තියනවනම් කිසිම මුදලක් වියදම් නොකරම ආසන වෙන්කර ගන්න පුළුවන්. තවත් මොබිටෙල් දුරකථන ජාලය මගිනුත් ආසන වෙන්කරවා ගන්න පුළුවන් එකට ඔබේ මොබිටෙල් දුරකතනයෙන් 365 අමතන්න. ඉහත සදහන් කිසිම ක්‍රමයකින් ආසන වෙන්කරවා ගන්න බැරි වුනොත් ඉතින් කරන්න තියෙන්නේ සාමන්‍ය විදියට යන දවසේ ටිකක් කලින් ගිහින් ටිකට් කවුන්ටරෙන් ටිකට් එකක් ගන්න එක තමයි. 

දැන් හරි ආසන ප්‍රශ්නයත් විසදගත්තා. එහෙනම් නියමිත් දවසේ ටිකක් කලින් ගිහින් ආසන වෙන් කරානම් ඒ ආසනය හොයාගන්න, ආසන වෙන්කළේ නැත්නම් ඉඩතියන ආසනයක ඉදගන්න. මමනම් ගියේ උදයදේවි දුම්රියේ වෙන්කළ ආසනයක ඒක නිසා මම කොළබ කොටුව දුම්රියපොලට උදේ 5.45ට විතර අවේ. කොහොමත් කෝච්චිය 5.30 වගේ වෙනකොට 4වෙනි වේදිකාවට ඇවිල්ලා තියෙන්නේ. හරි දැන් අපි ගමන පටන් ගන්න හදන්නේ, දෙවියන් බුදුන් සිහි කරලා ගමන ආරම්බ කරනවානම් කෝකටත් හොදයි. 

ටින් ටොන් ටින් : තව ස්වල්ප වෙලාවකින් හතරවන වේදිකාවේ නවතා ඇති උදයදේවි සීග්‍රගාමී දුම්රිය මඩකලපුව සහ ත්‍රිකුණාමලය බලා පිටත්වේ, එම දුම්රිය නවත්වන්නේ 
රාගම , ගම්පහ, වේයන්ගොඩ, මීරිගම, පොල්ගහවෙල, පොතුහැර, කුරුණෑගල, වැල්ලව, ගනේවත්ත, නාගොල්ලාගම, මහව සන්දිය, කෝන්වැව, මොරගොල්ලාගම, සියබලන්ගමුව, අවුකන, කලාවැව, කැකිරාව, හොරිවිල, පළුගස්වැව, හබරණ. 
ඔය කලින් තියන දුම්රිය ස්ථාන වල උදයදේවි කෝච්චිය නවත්වනවා ඉතින් ඔයාලා ගොඩක් ගමන්මලු අරන් යනවනම් හොරිවිල පහු වුනාම ගමන්මලු ලගට අරන් හබරණින් බහින්න සුදානම් වෙන්න මොකද මහව හන්දියෙන් පස්සේ තියන දුම්රියස්ථාන ලග ලග තමයි පිහිටලා තියෙන්නේ ඒක නිසා දුම්රියස්ථාන දෙකක් අතරේ විනාඩි 5-10 වගේ තමයි යන්නේ. ඔයාලා ඉන්නේ කෝච්චියේ ඉස්සරහටම වෙන්න නම්, ඒ කියන්නේ කොච්චි එන්ජිම කිට්ටුවනම් පළුගස්වැව පහු වුනාට පස්සේ කෝච්චියේ මැද හරියේ පෙට්ටියකට යන්න මොකද, හබරණ දුම්රියපොළේ කෝච්චිය නැවත්තුවාම මුල් පෙට්ටි 2 විතර නවතින්නේ දුම්රිය වේදිකාව පැනල එතකොට කෝච්චියෙන් බහින්න ටිකක් අමාරුයි.

හරි දැන් අපි හබරණ දුම්රියපොලෙන් බැස්සා, ඒ කියන්නේ ගමනින් බාගයක් ඇවිල්ලා ඉවරයි. දැන් කෝච්චියේ ටිකට් එක ඉස්ටේසමේ ගේට්ටුව ලග ඉන්න අන්කල්ට දෙන්න. දීල එලියට එන්න, ඇවිල්ලා අයෙමත් කොළබ යන්න කෝච්චියක් තියන වෙලාව මතක ඇතිව බලා ගන්න. දොට්ට පිලට යන්න ඕනෙනම් එකටත් හබරණ ඉස්ටේසමේ පහසුකම් තියනවා (එහෙම ගියොත් තවත් කෙනෙක්ට යන්න පුළුවන් විදියට පිරිසිදු කරලා එන්න මතක තියාගන්න). 

හබරණ ඉස්ටේසමේ ඉදල බස් වල යන්න කම්මැලිනම් ඉස්ටේසම ලගින් ටුක් ටුක් එකක් අරන් යන්න පුළුවන් සිගිරිය ගාවටම. ටුක් ටුක් එකක් රු 1000-1500 වගේ ගන්නවා ඉස්ටේසම ලග ඉදන් සීගිරියට යන්න, ටුක් ටුක් එක කතාකරනකොටම කියන්න පිදුරංගල හරහා යන්න කියල මොකද ටුක් ටුක් එකක යනකොට ඒ පාර කිට්ටුයි. 

හරි එහෙම ටුක් ටුක් වල යන්න සල්ලි නැති අපි වගේ දුප්පත් බුවාලා ටික බස් එකේ යමු. ඉස්ටෙසමෙන් එලියට බැහැපු ගමන්ම තියෙන්නේ අබේපුස්ස ත්‍රිකුණාමලය ප්‍රදාන පාර, ඉස්ටේසම ඉස්සරහම බස් හෝල්ට් එකක් තියනවා පාර පැනල ඒ හෝල්ට් එකට යන්න (ෂුවර් නැත්තන් ඉස්ටේසමේ කාගෙන් හරි අහන්න දබුල්ලට යන්න මොන හෝල්ට් එකටද යන්න ඕනේ කියලා) එතනින් එන දබුල්ල හරහා යන ඕනෙම දුරගමන් බස් එකක නගින්න නැගලා ඉනාමලුව හන්දිය (සිගිරිය හන්දිය) කියලා ටිකට් ගන්න. ඉස්ටේසම ලග ඉදලා කිලෝමීටර් 17 ක් විතර තියනවා ඉනාමලුව හන්දියට, හබරණ ටවුන් එකෙන් බස් එකේ ගොඩක් සෙනග බහිනවා එතකොට බස් එකේ ඉස්සරහට ගිහින් ඩ්‍රයිවර් මාමට කියන්න ඉන්නමලුව හන්දියෙන් බස්සන්න කියලා එතකොට බස්සනවා (ඉස්මාර්ට් ෆෝන් එකක් තියනවනම් ගුගල් මැප් එකෙන් පාර බලාගෙන යන්නත් පුළුවන්). 

හරි දැන් ගමනෙන් තුනෙන් දෙකක් ඇවිල්ල තියෙන්නේ තව පොඩි කොටසක් තියෙන්නේ ඒ ටිකත් අපි යමු. දැන් ඉන්නමලුවෙන් සීගිරියට යන පාර තියනවා ඔයාලා බස් එකෙන් බැහැපු හෝල්ට් එකට මීටර් 5 විතර හබරණ පැත්තට වෙන්න ඒ පාරට හැරුන ගමන්ම බස් හෝල්ට් එකක් තියනවා එකට ගිහින් ඉන්න, විනාඩි 30 කට සැරයක් දබුල්ලේ ඉදන් සිගිරි යන බස් එනවා ඒකක නැගලා සීගිරියට ටිකට් ගන්න (උදේ 6.00 සිට සවස 6.00 දක්වා පමණි). ඉනාමලුව හන්දියේ ඉදලා සීගිරියට තියෙන්නේ කිලෝමීටර් 9 ක් විතර. බස් එකේ කොන්දොස්තර මාම කැ ගහලා කියනවා සිගිරි යන කට්ටිය මෙතනින් බහින්න කියලා ඒ කියන්නේ බස් එක නවත්වන අන්තිම බස් හෝල්ට් එකට කලින් හෝල්ට් එක ඉතින් එහෙම කෑ ගැහුවේ නැත්තන් අන්තිම හෝල්ට් එකෙන් බැහැලත් සිගිරි යන්න පුළුවන්. කොතනින් බැස්සත් ටුක් ටුක් එකක් ගත්තේ නැත්තන් කිලෝමීටර් 1 - 1.5 විතර පයින් යන්න ඕනේ ටිකට් ගන්න තැනට. ඉතින් ටිකට් ගත්ත තැන ඉදන් පයින්ම තමයි යන්න තියෙන්නේ. 

මේ තියෙන්නේ කෝච්චියේ ආසන වෙන් කරාම ලැබෙන ටිකට් එක, මේකේ තියනවා ඔයාලගේ ගමනේ විස්තර සහ වෙන්කරපු ආසන වල අංක ඒ අංකෙට අදාල ආසනේ තමයි වාඩි වෙන්න ඕනේ.

මේ තියෙන්නේ උදයදේවි කෝච්චියේ දෙවෙනි පන්තියේ වෙන්කල ආසන තියන දුම්රිය මැදිරිය. එකේ ආසනය සාමාන්‍ය ප්‍රමාණයකට සීරුමාරු කල හැකියි.

මෙන්න මේ ඉස්ටේසම පහු වුනාට පස්සේ තමයි ඔයාලගේ ගමන්මලු ලගට අරගෙන බහින්න ලෑස්ති වෙන්න ඕනේ.

මෙන්න මේ ඉස්ටේසම පහු වුනාට පස්සේ තමයි ඔයාලා කෝච්චියේ එන්ජිම කිට්ටුවනම් ඉන්නේ දුම්රියේ මැදට යන්න පටන් ගන්න ඕනේ, ඒ වගේම මේක තමයි හබරණ ඉස්ටෙසමට කලින් උදයදේවි කෝච්චිය නවත්තන අන්තිම දුම්රිය ස්ථානය.

හරි අපි හබරණින් බැස්සනේ, මේ තියෙන්නේ හබරණ දුම්රිය ස්ථානය.

මෙන්න මේ පහල තියන පින්තුරේ රතු පාට ඊතලයෙන් පෙන්නලා තියෙන්නේ අබේපුස්ස ත්‍රිකුණාමලය ප්‍රදාන පාර, ඒ වගේම නිල් පාට ඊතලයෙන් පෙන්නලා තියෙන්නේ ඉනාමළුවට යන බස් නවත්තන හෝල්ට් එක තියන පැත්ත. එතනට ගිහින් ඉනාමළුවට යන බස් එකක නගින්න.

හරි දැන් අපි ඉනාමළුවෙන් බැස්සනේ, මේ පහල තියෙන්නේ ඉනාමළුව හංදියේ පින්තුර ටිකක්.

මෙන්න මේ පහල තියන පින්තුරේ රතු පාට ඊතලයෙන් පෙන්නලා තියෙන්නේ සීගිරියට යන පාර, ඒ පාර දිගේ ටිකක් දුර යනකොට තියනවා බස් හෝල්ට් එකක්. එතනින් සීගිරියට යන බස් එකක නගින්න පුළුවන්.

මෙන්න මේ පහල තියන පින්තුරේ රතු පාට ඊතලයෙන් පෙන්නලා තියෙන්නේ සීගිරියට යන බස් නවත්තන බස් හෝල්ට් එක, එතනින් බස් එකක නැගල මම කලින් කියල තියන විදියට සීගිරියට පයින් යන පාර ලගින් බහින්න.

මේ පහලින් තියෙන්නේ සිගිරිය නගරයේ (රාජදානියේ) සිතියමක්. 

මේ තියෙන්නේ සිගිරිය දඹුල්ල බස් එකක්, සිගිරියේන් දඹුල්ලට බස් පටන් ගන්න තැන නවත්තල තියෙන්නේ.

මේ තියෙන්නේ බස් එකෙන් බැහැල ටිකට් ගන්න තැනට යනකන් පයින් යන්න තියන පාර. 

මේ පහලින් තියෙන්නේ සිගිරිය බලන්න අපි ගන්න ඕනේ ටිකට් එක. මේකේ කැලි හතරක් තියනවා, එකක් ඇතුල් වෙනකොටම කඩා ගන්නවා දෙවෙනි එක කැටපත් පවුර ලගදි කඩා ගන්නවා තුන්වෙනි කැල්ල කෞතුකාගාරය බලන්න යනකොට කඩා ගන්නවා අන්තිම කැල්ල අපිට ඉතුරු වෙනෙවා.

මම මුලින්ම කිවුවනේ සිගිරි යන්න හොද වර්ෂා කාලයට කියලා, ඒකට හේතුව තමයි මේ පහල තියනවා වගේ කොලොපාට සිගිරියක් දකින්න පුළුවන් වෙන්නේ ඒ කාලෙට විතරයි ඒ වගේම දෙබරුත් මේ කාලෙට නැහැ කියලා කියනවා.

ඒ වගේම මේවා දකින්නත් පුළුවන් වර්ෂා කාලයට විතරයි.

 ඔබාමගේ තිරිසනා (The Barack Obama's Beast) 

හරි නම දැකපු ගමන්ම කට්ටිය බලනවා ඇති මේ මොකක්ද කියලා, හරි බය වෙන්න එපා අද මම කතාකරන්න හිතුවේ ලෝක පොලිස්කාරයාගේ මෝටර් රථය ගැන එහෙම නැත්තන් ඇමරිකානු ජනාදිපති බැරක් ඔබාමාගේ නිල රථය ගැන. දැන් ඉතින් දන්නවනේ මේක නිකන්ම නිකන් කාර් එකක් වෙන්න බැහැ කියල නේද? 

හරි දැන් අපි වැඩි විස්තර කතාකරමු, මෙම මෝටර් රථය රාජකාරි සේවාවට එකතු වුනේ 2009 ජනවාරි 20 වෙනිදා මේකේ නිර්මාණකරුවා වෙන්නේ ලෝක ප්‍රසිද්ද ජනරල් මෝටර් සමාගම (General Motors) ඔවුන් ප්‍රකාශ කරන අන්දමට මෙම සුවිසේෂි මෝටර් රථය නිපදවන්න යොදාගෙන තිබෙන්නේ කැඩිලැක් ඩි.ටි.එස්. (Cadillac DTS) කියන මෝටර් රථයේ ආකෘතියයි. නමුත් රථයේ සැකිල්ල (chassis) විදියට යොදාගෙන තිබෙන්නේ ලොරියක සැකිල්ලක්. එමෙන්ම මෙම මෝටර් රථයේ පොලවට මුහුණලා ඇති යට කොටස අගල් 5ක ගනකමකින් යුක්ත වෙඩි නොවදින තහඩුවකින් ආරක්ෂා කොට ඇත, එමගින් මෙම මෝටර් රථය යට බිම් බෝම්බයක් පුපුරා ගියත් රථයට හෝ එහි ගමන් ගන්නා ඔබාමාට අනතුරක් සිදු නොවේ. ඒ වගේම මෙම මෝටර් රථයේ වටිනාකම නිෂ්පාදකයා විසින් ප්‍රසිද්ද නොකලත්, එහි වටිනාකම ආසන්න වශයෙන් ඇමරිකානු ඩොලර් 1,500,000 පමණ වනු ඇති බව විශ්වාස කරනවා.

ඇමරිකානු රාජ්‍යය රහස්‍ය සේවාව මෙම මෝටර් රථය හැදින්වීමට යොදාගන්නේ තිරිසනා (The Beast) යන අන්වර්ථ නාමයයි. එමෙන්ම ආරක්ෂක හේතුන් මත මෙම මෝටර් රථයේ විශාල විස්තර ප්‍රමාණයක් රාජ්‍ය රහස් වශයෙන් වර්ගීකරණය කොට තිබෙනවා. මෙම මෝටර් රථයටම විශේෂයෙන්ම නිර්මාණය කරන ලද රාත්‍රී කාලයේදී විනිවිද දැකිය හැකි කැමරා පද්දතියක් සවිකොට තිබෙනවා, මෙම මෝටර් රථයට හුලන් නොමැතිව ගමන්කළ හැකි (run-flat tires) ටයර විශේෂයක් සවිකොට තිබෙනවා. මෙම මෝටර් රථයේ හත් දෙනෙකුට ගමන් කිරීමේ හැකියාව පවතිනවා.

එමෙන්ම මෙම මෝටර් රථයේ කවුළු විදුරු අගල් 5ත් 6ත් අතර ගනකමකින් යුක්ත වනවා, එම නිසා එම විදුරු වලට බෝම්බ ප්‍රහාරයකින් හෝ තහඩු විනිවිද යන උණ්ඩයකින් හෝ හානියක් සිදු කල නොහැක. එමෙන්ම මෙම මෝටර් රථයේ විවුර්ත කල හැකි එකම කවුළුව වන්නේ රියදුරු අසුනේ කවුළුවයි, එයද විවුර්ත කල හැකිවන්නේ අගල් 2.75 පමණි. එලෙස නිර්මාණය කොට ඇත්තේ බාහිර සිටින පුද්ගලයන්(ආරක්ෂකයින්) සමග අත්‍යවශ්‍ය මොහොතකදී කතාබහ කිරීමට පමණි.

මෙම මෝටර් රථයේ දොරවල් අගල් 8 ගනකමකින් යුක්තවේ. එමෙන්ම මෙම එක දොරක් බෝයින් 757 ගුවන්යානයක දොරක බරට සමාන වේ.

තවද මෙම මෝටර් රථයේ ඇතුලත (Interior) සම්පුර්නයෙන්ම පිටත සමග පවතින සම්බන්දය මුද්‍රා (sealed ) කොට තිබෙනවා, එලෙස සිදුකොට තිබෙන්නේ රසායනික වැනි ප්‍රහාරයකින් මෝටර් රථය තුල ගමන් කරන ඔබාමා ආරක්ෂා කිරීමටයි. එමෙන්ම මෙම මෝටර් රථය යම්කිසි අනතුරකදී සම්පුර්නයෙන්ම අගුළු වැටෙන අතර එම අගුලු වැටීම විවුර්ත කල හැකියාව පවතින්නේ ඇතලත සිටින බැරක් ඔබාමාටම පමණි. 

මෙම මෝටර් රථයේ ඉන්දන ටැංකිය විශේෂ ලෝහයකින් නිමකර ඇති අතර එය වෙඩිනොවදින ආකාරයට නිම කොට තිබෙනවා, ඊට අමතරම දෙවන පෙළ ආරක්ෂක උපක්‍රමයක් ලෙස මෙම ටැංකිය විශේෂ පෙන වර්ගයකින් පුරවා තිබෙනවා එමගින් ඉන්දන ටැංකියට කිසියම් ආකාරයකින් වෙඩි වැදුනොත් එය පුපුරා යාම වලක්වනු ලබනවා. මෙම ඉන්දන ටැංකියේ දාරිතාව ඉන්දන ගැලුම් 29කි එමගින් මෝටර් රථයට එකවර නොනවත්වා කිලෝමීටර් 100 ක් දාවනය කිරීමේ හැකියාව පවතිනවා.

තවද මෙම මෝටර් රථය තුල කදුළු ගැස් තුවක්කු, සැහැල්ලු ගිනි අවි, මෙම රථය වෙනුවෙන්ම නිපදවන ලද විශේෂ අවි තැන්පත් කොට තිබෙනවා. එමෙන්ම හදීසි අනතුරකදී ඔබාමාට රුධිර පාරවිලයනය කිරීමට අවශ්‍ය ඔබාමාගේම රුධිරය අඩංගු රුධිර බෝතලයක්ද මෙම මෝටර් රථයේ තැන්පත්කොට ඇත. 


මෙම මෝටර් රථයේ රියදුරුද ඉතාමත් සුවිශේෂී පුද්ගලයෙකි, එනම් ඔහු බැරක් ඔබාමාට ඉතාම පක්ෂපාති සහ ඇමරිකානු බුද්දි අංශය විසින් විශේෂයෙන්ම පුහුණු කරන ලද පුද්ගලයෙකි. ඔහුට ඕනෑම හදීසි අවස්ථාවකදී කිසිදු අබියොගයකින් තොරව මෝටර් රථය හැසුරුවීමේ පුහුණුව ලබා දෙනු ලබනවා. එමෙන්ම ඕනෑම හදීසි අවස්ථාවකට මුහුණ දීමේ සහ එම අවස්ථාවට අනුව සුදුසුම ආරක්ෂක තීරණය ගැනීමේ හැකියාව පුහුණු කරනු ලබනවා. එමෙන්ම රියදුරු කුටිය සන්නිවේදන පද්දතියකින්, ගෝලීය තැන් සෙවුම් පද්දතියකින් (GPS) වැනි නවීන අංග උපාංග වලින් සමන්විත වෙනවා. 

හරි අපි දැන් මෙයාගේ පින්තුර ටිකක් බලමු.

මිසිසිපි - The Mississippi 

හරි නම දැක්ක ගමන් ගොඩක් කට්ටිය දන්නවා ඇති මොකක් ගැනද මම අද කියන්න යන්නේ කියලා, අද මම කතාකරන්න හිතුවේ මිසිසිපි ගග ගැන. මිසිසිපි ගග තමයි උතුරු ඇමරිකාවේ තිබෙන ලොකුම ගග, ඒ වගේම මේක මුළු ඇමරිකාවම ආවරණය වන විදියට ගලාබසිනවා. මේ මහා යෝදයගේ මෝය කට පිහිටලා තියෙන්නේ මෙක්සිකෝවේ ඉතින් හිතා ගන්න පුළුවන්නේ යෝදයගේ තරම. මෙයාගේ දිග ඇවිල්ල ආසන්න වශයෙන් කිලෝමීටර් 3800 විතර වෙනවා, ඒ වගේම මේ ගගේ පළලම ස්ථානයේ පළල කිලෝමීටර් 17 විතර වෙනවා. මෙයා දවසකට වතුර ගැලුම් මිලියන ගණනක් පහලට රැගෙන යනවා ඒ කියන්නේ ආසන්න වසයෙන් මෙයා තත්පරයට ඝන අඩි 125,000 ක අනුපාතයකින් ගලා බසිනවා.

හරි දැන් මෙයාගේ ගැන සාමන්‍ය විස්තර ටිකක් දන්නවනේ නමුත් මම දැන් කියන්න යන දේවල්නම් ගොඩක් කට්ටිය දන්නේ නැතිව ඇති. කාට හරි හිතන්න පුලුවන්ද මේ මහා යොදයෙක් වගේ ගග එක පාරටම පිටුපසට(උඩුගම් බලා) ගලාබසින්න පටන් ගනීවි කියලා? බැහැ නේද? ඔව් ඇත්තටම ඒක විස්වාස කරන්න අපහසුයි නමුත් මෙයා එක පාරක් නෙවෙයි කීප සැරයක්ම පසුපසට ගලා ගොස් තිබෙනවා. ඇත්තටම එහෙම වෙන්න හේතුව ඇවිල ස්වාබාවික වෙනස් වීම්. 

පලුමු වරට පසුපසට ගලන ලද්දේ 1812 හේතුව ඉතා විශාල බුමිකම්පාවක් නිසා ඇතිවූ සුනාමි තත්වයක්.

දෙවන වරට පසුපසට ගලන ලද්දේ 2005 වසරේ ඇතිවූ කත්‍රිනා චණ්ඩමාරුතය නිසා, මෙහෙදී සිදුවූ විසේස දෙයක්නම් ගගේ සාමන්‍ය ජල මට්ටමට වඩා මීටර් 4 ජල මට්ටම ඉහල නැගීමයි.

තුන්වන වරට පසුපසට ගලන ලද්දේ 2012 වසරේ ඇතිවූ අයිසැක් චණ්ඩමාරුතය නිසා. මෙහෙදී සිදුවූ විසේස දෙයක්නම් තත්පරයට ඝන අඩි 182,000 ක අනුපාතයකින් පිටුපසට ගලා බසින්නට පටන් ගැනීමයි ඇත්තටම එය ගංගාවේ සාමන්‍ය ගැලීමේ වේගයට වඩා වැඩි වේගයක්.


ඇත්තටම මෙහෙම පිටිපසට ගැලීම ඉතා දීර්ග කාලයක් නොපවතින අතර ඉතා සීමිත කාල සීමාවකට එය බලපවත්වයි.

නිසොල්මන් ආක්‍රමණිකයා (Silent Invaders)

නිසොල්මන් ආක්‍රමණිකයා (Silent Invaders) කියපුවාම බලනවා ඇති ඒ කවුද කියලා ඇත්තටම එයාගේ නම තමයි මුහුදු ලැම්ප්‍රිස් (Sea lamprey), මෙයා ඇවිල්ලා මුහුදේ ජිවත්වන ආදා වැනි සතෙක් හොදින් වැඩුණු සතෙක් සෙන්ටිමීටර් 90 ක් පමණ වෙනවා. මෙයා මුහුදේ ජීවත්වෙනවා කිවුවට මෙයාලට ගංගා, ඇලදොළ, වැවු වල වුනත් ජීවත්වෙන්න පුළුවන්. මෙයාලා වැඩි වශයෙන් ජීවත්වෙන්නේ උතුරු අත්ලාන්තික් සාගරයේ සිට උතුරු ඇමරිකාව සහ යුරෝපය දක්වා වූ මුහුදු සිමාවේ. 


මොකද මෙයාට ආක්‍රමණිකයා කියලා කියන්නේ? එහෙම කියන්න හේතුව තමයි මෙයා ඇවිල්ලා අනුන්ගෙන් යැපෙන්නෙක් (පරපෝෂිතයෙක්) ඒ කියන්නේ හරියටම ගොඩබිම ඉන්න කුඩැල්ල වැනි සතෙක් මොකද කුඩැල්ල ගොඩබිම ජිවත්වන සතුන්ගෙන් ලේ උරා බොනවා වගේම මෙයා ජලයේ ජිවත්වන සතුන්ගෙන් ලේ උරා බොනවා. එක නිසා වෙන්නේ ජලාශ වල ජිවත්වන මත්ස්‍ය විශේෂ සීග්‍රයෙන් වදවී යන එක.

ජිවන චක්‍රය

බාහිර පෙනුම 

බියකරු මුකය 

බියකරු ආක්‍රමණයන්